plume d’ange

Bienvenue sur mon blog

زجل إلهام

Classé dans : Humour — 22 octobre, 2008 @ 16:08

 

نُوضِي يامِّي زَوْجِينِي

أو فْ المِيدَة دَوْرِينِي

بْغِيتْ حثَّى أنا نْفْرْحْ بْراسِي

قْبْلْ مانْشْرْفْ وِطِيحُوا ضْراسِي

نْوْلِّي بْعُكَّازْ نْقَفْقْفْ أو نْقاسِي

نوضي يامِّي خُطْبِي لِيّ

ياللاَّهْ بينا عفاكْ للعروبِيَّة

بْغِيتْها غْشيمة أوسَكُّوتِيَّة

باشْ ماتْبْقى تْفْهم عْلِيَّ

ماتْكْولِّي جيبْ ولا آرا ليَّ

غيرْ نْحنْحَنْ،تْجْمْدْ الزُّغْبِيّة

مللِّي نْدْوِي بْالطَّالْيانِيَّة

تْفْرحْ أوتْبْدى تْزَغْرْتْ لِيَّ

مللِّي نْدْوي بالسْبانْيُولِيَّ

تْنوضْ الدَّرْدْكْ عل البْسْتِيلِيَّ

ومللي ندْوِي بالفرنسِيَّ

تْوْلِّي فْ رْجْلِي تْغْسْلْ لِيَّ

تْكونْ عارفة غير السْوَاكْ أو الكْحُلْ

أو ماتْعْرْفْ لا فينْ تْخْرُجْ ولا تْدْخُلْ

أو تْوْلِّي تْهَزْ بالخْلْعة مللِّي نْسْعُلْ

نوضي يامِّي زوجيني

أو فْ الميدة دوْريني

نوضي يامِّي خطبي ليَّ

وايَّاكْ تْعْزْلِيلي العصرية

بالفلسفة والقانون تْحَنِّي لِيَّ

تْوْلِّي باللغاتْ تْفهم عليَّ

وانا مْصَّابْ نْفْهْم العربية

إلى دْويتْ الطَّيَّحْ بِيَّ

نُوضِي يامِّي زَوْجِينِي

أو فْ المِيدَة دَوْرِينِي

بْغِيتْ حثَّى أنا نْفْرْحْ بْراسِي

قْبْلْ مانْشْرْفْ وِطِيحُوا ضْراسِي

نْوْلِّي بْعُكَّازْ نْقَفْقْفْ أو نْقاسِي

الزواج آلْمِّيمة ماشي عِيبْ

خْفْتْ لانْبْقى ساكتْ حثَّى نْشيبْ

وِعْواجْ ضَهْرِي أوفُمِّي إيريبْ

تْوْلِّي المرا تْجْرِي بِيَّ لْ طبِيبْ

نْوْلِّي بحالْ جْدْها ماشي حبيب

Ref : http://boussafa.unblog.fr/1464/

 

 

 

 

 

2 commentaires »

  1. anissa dit :

    hhh walah tmawat bada7k

  2. hanae dit :

    hhhhhhhhhhh,min rak tjib had chi lol

Flux RSS des commentaires de cet article.

Laisser un commentaire

 

Mathilde Brosset |
L'ATELIER NOMADE |
Mes premières créations |
Unblog.fr | Créer un blog | Annuaire | Signaler un abus | studioaerogaz
| psykotronik
| La superficialité est l'uni...